由Mnet舉辦嘅女團成員選拔節目《PRODUCE 101》噚日播出最新一集,今次節目首次投票排名正式公開,當中Jellyfish嘅練習生金世靜得冠軍,而周子瑜所屬嘅JYP事務所練習生、15歲混血Somi就得亞軍。
今次投票100%都係根據觀眾選出嚟,可謂相當具民意。當日,97名練習生中排名喺61名以內就可以成功晉級,62名至97名將被淘汰。金世靜與Somi以極高嘅票數得到冠亞軍。而Fantagio嘅崔侑晶、PLEDIS嘅內地練習生周潔瓊、Jellyfish嘅姜美娜就分別獲得季軍以及第四同第五名。... |